نشر بواسطه/بروجرام
وقت تصوير فيلم ارحم دموعى كان المفروض ان زهرة العلا بتخرج من فيلا تجري فى شارع من الشوارع القريبة من مصنع ورق .. علشان تدور على اخوها اللى بيعمل دوره يحيى شاهين بشكل عام.
يوم التصوير بدأ الفنيين يجهزوا ويعدوا للمشهد.. وفجأة بدأ عمال المصنع يتجمعوا حوالين العربية اللى عليها الكاميرا.. ومش فاهمين ايه اللى بيحصل ككل.
بدأ التصوير والمخرج قال اكشن.. وطلعت الست زهرة تجري .. وعنها لمحها خفير من الخفراء الموجودين فى الشارع فطلع يجرى وراها ووراه كذا واحد من اللى شغالين فى الشارع.. فالست زهرة وقفت ولقت اخينا فى وشها بيقولها : بتجري ليه يا ست ؟ وهنا تدخل مساعدين المخرج وفهموه أنهم بيصوروا فيلم …وبدأ المخرج يجهز لأنه يعيد التصوير تانى .. بعد ما سمح للى عايز يتفرج أنه يتفرج من بعيد.. وهوب .. قال اكشن.. وطلعت الست زهرة تجري وإذا بشاب راكب عجلة وماشى فى الشارع يشوفها بتجري.. فيجرى وراها لحد ما يقرب منها ويرمى نفسها عليها على طريقة رامبو الجزء الثالث.. فالتصوير يقف تانى.. وهنا يقرر المخرج أنه مش هيصور فى الشارع ده ويشوف شارع تانى..
وفعلا شافوا شارع تانى..وقال اكشن برضه.. وطلعت زهرة تجري برضه.. لكن المرة دى الضربة جات من فوق مش من تحت.. لأنها وهى بتجري لقت ست واقفة فى البلكونة بتصرخ وبتطلب من الناس يمسكوا الست اللى بتجري دى لأن شكلها عامل عاملة.. وطبعا كله شد فى شعره وقتها .. وقالوا نعيد تانى.. وعادوا تانى والحمد لله المشهد اتصور على خير.. ويوم العرض اتفاجئت الست زهرة ان المشهد ورغم كل المرمطة دى مش موجود.. واكتشفت ان المخرج اكتفى بمشهد وهى طالعة تجرى من الفيلا وهى بتكمل جرى فى المصنع ولما سألته قالها: المشهد هيطول الفيلم بدون داعي فقلت أشيله أحسن..
يا رااااااااااجل.
.
#الهامي_سمير