أشعلت النجمة أصالة حماس جمهورها ومحبيها خلال حفلها بالسعودية، بمناسبة ليلة عيد الحب 2026، حيث قدمت باقة من أجمل أغانيها القديمة والحديثة التي تفاعل معها الحضور بشكل لافت جمهور.
وكان من ضمن اللحظات المميزة في الحفل، حين أطربت أصالة الحاضرين بأدائها لأغنية «اشتقتلك» تحت أجواء مطرية ساحرة، ما أعطى الحفل لمسة رومانسية ودافئًا استثنائيًا، وسط تفاعل الجمهور وصفقاته الحارة.
أصالة تثير تفاعل جهورها بحفل عيد الحب بالسعودية
وشاركت أصالة متابعيها بموقع «انستجرام» مجموعة صور من الحفل الذي أقيم بالسعودية وسط حضور كامل العدد، موجهة رسالة لهم، وكتبت: «كانت ليلة امبارح بالنسبة إلي متل حلم وكل شئ كان متعاضد مع هالليلة ليكون تأثيرها بنفسي بلسم لروحي وبوسة على قلبي وبصمة في مشواري من الفخر والتباهي ووسام على صدر أحلامي وطموحي وشغفي».
وأضافت: «ياالله شو كنت خايفة ليالي قبلها ما أعرف نام أكتر من ساعتين تلاتة وأصحى على مليون فكرة بدي قدمها وألف قصة بدي أحكيها ولأني على قناعه بإني لسه المشوار بأوله بقدم فني وكأني الطالبة المجتهدة العاشقة لما تفعل وما تعمل.. وكل إنسان كان عم يشتغل بالحفلة امبارح كان متلي عاشق ومُحبّ وما كنت لوحدي خايفة عليي الكل كان عليي خايف وبيشجع وبيساعد وبيعمل أكتر من الواجب لأنه الحب بيخلينا نعطي أكتر من طاقتنا وهيك كلنا كنا مبارح».
وتابعت: «الصولوهات مو معقولة كانت شو ساحرة المسرح مبهر المايسترو شاطر والمخرج مبدع ومدير التصوير صديقي قدم أحلى ما عنده ولبسي كان بيجنن لأنه مشغول بحب وماكياجي متل لوحة انرسم وشعري رغم إنه مو شعري بس كان مقنع وحلو وصوتي اللي دلعته طول النهار بأحلى الإختراعات لتجهيز الصوت وإستعداده لتقديم الأفضل أنصفني ورد لي الإهتمام بإمتنان.. الحمد لله على نعمة محبتكم اللي بتنقذني دائماً من جميع أهوال الحياة وبتطلعني لمطرح بيشبه الحلم».
وقدمت الشكر للسعودية: «شكراً لوطني الحبيب الحنون الداعم السعودية على اللي قدمتوا لي ياه من سنين لحد ليلة مبارح بحبكم حب جبار وقلبي متعلق فيكم وأرجو من ربي كون دائماً عند حسن ظنكم وبوعدكم بالإلتزام وإحترام ثقتكم وبادلكم المحبة بالمحبة والإحترام بالإحترام وأن تكون حفلة مبارح هيي بداية انطلاقة جديده وأرجع ألتقيكم بالعيد بشكل كمان جديد وأسعى لأرتقي لخيالكم بفني وبروحي وكمان قلبي ياأهلي وأحبتي وناسي الغاليين».
